No meu escaparate
hai “amizades”
no meu escaparate
hai viaxes
no meu escaparate
envexa
no meu escaparate
hai instantáneas
no meu escaparate
policía
no meu escaparate
hai soberbia
e ignorancia
no meu escaparate
hai doctrina
no meu escaparate
hai “meme-heces”
no meu escaparate
hai psicoloxía barata
e perigosa psicoloxía
no meu escaparate
hai baleiro e a nada
no meu escaparate
hai ollos que ven e non miran
que miran e non ven
no meu escaparate
hai un talibán
no meu escaparate
consignas
no meu escaparate
cultura de altura
que marea
no meu escaparate
feiras e mercados
no meu escaparate
todo a cen
no meu escaparate
hai virus e bacterias
no meu escaparate
vomito
no meu escaparate
cágome e limpo
no meu escaparate
o limbo
no meu escaparate
así son como debe ser
no meu escaparate
animais de toda pelaxe
no meu escaparate
encántasme e enóxasme
no meu escaparate
solidario
no meu escaparate
que risa que pranto
no meu escaparate
espanto macabro
no meu escaparate
líbido rezumando
no meu escaparate
thánatos o bárbaro
no meu escaparate
chovendo
no meu escaparate
fumando
no meu escaparate
desexando
no meu escaparate
mercando
no meu escaparate
controlando
no meu escaparate
controlado
no meu escaparate
inmóbil
no meu escaparate
mobilizado
no meu escaparate
iso e ao contrario
no meu escaparate
citas e contos
no meu escaparate
diagramas en branco
no meu escaparate
soñando
no meu escaparate
babexando
no meu escaparate
doendo
no meu escaparate
danado
no meu escaparate
a rúa chea de escaparates
no meu escaparate
… minutos musicais
no meu escaparate
poemas con e sen voz
no meu escaparate
un poema atroz
no meu escaparate
pechando
a sesión e caderno
da bitácora do
meu escaparate
espello de min e de tantos