Primavera retorta de siluetas
ceo branco, fame de liberdade
tronos e sarabela na alma pegañenta
ausencia de frescores vindeiros
brotes verdes modificados xeneticamente
alaridos da infancia
e rúas enchidas de desempregos
emprego de violencias enchidas de rúa
chimpos de cabras fíos nas mans
torturando ao persoal esa inquisición
enchida de leis farsantes
compositivas e compoñedoras da póla-matrix
ovos de ouro nos petos da banca
que sempre gana o que lle dá a gana
mentres as bágoas parecen non rozarche
nin a ti nin a fábrica de desastres
que creastes en aparencia paradoxal
desexo quebrado, sucio e aos poucos oriúndo
de babas hipócritas matasementes
aulas pechadas con duchas de auga fervendo
aturando o vapor cínico e embazado
nas nosas almas encadeadas ao por maior
dislexia sufrida por semáforos estatais
circulando en circuítos e circuítos incrustados
nas cabezas contedoras de contos infinitos.