Jello Biafra nunha voda
amenizando as cuestións
cunha oratoria nupcial
misturando instrumentos e ferramentas
ecos de igrexas e restaurantes de costa
sen costelas nin ananás
supeditando toda a acción nas cordas
vogais, consoantes, guitarras e baixos
baterías de cociña de agasallo para os noivos
engalanados de supertrump para o resto dos días
na pouca saúde e moitísima enfermidade
eu escribínlle o discurso a Jello Biafra
en galego de verdade sen lei nin normativa
e o reverendo fixo spoken word
con garfo, coitelos para peixe e carne e culler
soup is a good food
invitados bailando ao son de too drunk to fuck
celebración dun verán inacabado de comezar
con veliñas sen san xoán
Jello Biafra nunha voda
amenizando as cuestións
pachamama usurpada e minguada
lúa decrecendo tropezóns de paso dobre
visións dobres por alcoles sen cervexa
reverendos facendo reverencias na cola do paro
con sogas no pescozo elegantes
suicidas con protolleiras de desesperación
inflan os globos esquecidos
os nenos van ao xardín
entran en acción no salón
dous irmáns e tres curmáns terroristas
atropellan con motos de auga
aos convidados á función
e Jello Biafra segue declamando o meu discurso
helicópteros óense nas alturas
tantos como gaivotas adultas
os noivos danse á fuga
pero non chegan a ningures
na televisión falan dos rusos
Jello Biafra quere cobrar
pero ninguén lle vai pagar.