Camiñar entre sobreiras
destaponarse os oídos
ollar para o camiño
parar e observar
adiante e atrás
e ver tamén os pés
fronte unha pedra
nin o suficientemente pequena
para patexala
nin o suficientemente grande
para non poder sorteala
alzar a cabeza
e ver sesenta estelas
de avións pasados
anchas coma raias de tigre
e outras quince
finas como agullas prateadas
avanzando no baleiro
cravándose nos meus riles
o frío deste inverno.