Sairon da caverna
camiñaron atravesaron
construiron novas guaridas
co que fora: adobe, merda
talaron árbores
incendiaron
ergueron graneiros
pecharon bestas
avanzaron en círculos
en elipses
alzaron con escadras
e cartabóns plantas
e alzados
atrancaron vedaron
coutos acoutados
lama e trincheiras
descubriron o cemento
e o aillante
pecharon en cubículos
cociñas ranchos
castelos labirintos
minotauros cancerbeiros
policía e rañaceos
que apuntaban a deus
e ao cosmos enteiro
subdividiron e multiprocrearon
ao cadrado
con cabalos de troia
situados en casas e descasas
multireferencias
menos árbores
guindastres, canles, veciñanzas con espellos
un mundo, dous mundos, tres mundos…
Un muro, dous muros, tres muros…
Construcións que refuxian a escuridade
e o descoñecemento
logopedas e psicopeda-gogos
encangáronse de advertir este devir
esteticiéns da palabra e a porcelana
vociferan infinitamente
por entre as sombras
dos inexistentes arrecifes de vida.
San Salvador é capital do Salvador.